【Now新聞台】截至早上11時止，《彭博》系統Top search No.1為中國石油、利豐、 莎莎國際、吉利汽車及東風集團。
《彭博》上星期引述消息指，內地已經揀咗三間銀行籌組油氣管道公司，麥格理就話，中石油抵買兼被低估，目標價睇6.6元，最新升返上4元，即係仲有50%水位。
中民證券研究部董事黃偉豪話，雖然中石油係三大油企中管道資產最多，但成立管道公司係咪會按返比例分比中石油，依家仲係未知數，如果純粹炒作呢個消息，唔係咁可靠，唯一解釋反而係炒估值平，真係比較殘，估計短期上到4.3元會有阻力。
