【Now新聞台】截至早上11時止，《彭博》系統Top Search No.1為中國聯通、聯想集團、越秀地產、國藥控股、騰訊控股。
噚晚美國長短債息倒掛震散美股，道瓊斯工業平均指數重挫3%，錄得今年最大單日跌幅。睇返歷史，債息出現倒掛後，平均都要22個月後先確認到經濟衰退，而標準普爾500指數喺倒掛18個月內，仲錄得15%嘅升幅，所以今次倒掛都未必會觸發環球金融危機。
此外，幾名聯儲局前揸弗人先後講過，依家環球央行大量印銀紙賣國債，令長債價格升息率跌，因此，更易出現倒掛，再用債息倒掛去睇經濟衰退已經未必準確。
