【Viu】陳曉東今日喺台北舉行記者會，宣布將於9月28號首度登上台北小巨蛋，舉行《REFLECTION心有獨鍾30週年》台北站，佢直言係美夢成真，心情既緊張又期待，加多丁點忐忑，皆因唔知台灣嘅朋友仲有冇follow自己嘅新動向。席間「綜藝天王」吳宗憲專誠現身站台，又送上自己代言嘅唱K神器，預祝東東票房大賣！東東則送返兩個水晶杯做回禮，憲哥搞笑話：「送酒杯？可以送煙灰缸嗎？我有抽雪茄，還送兩個，但我現在一個人住。」笑爆全場！
陳曉東媽媽係台灣人，佢除咗係「台灣外孫」之外，亦係「台灣女婿」，今次特別留台兩星期跑通告，為首次攻蛋造勢，又預告會為「娘家場」準備專屬歌單，包括sidetrack歌同台語老歌，仲話兩位愛女「朵朵」同「多多」會一齊上台演出，大晒鋼琴同舞蹈實力！
話晒都係「凍齡男神」，陳曉東當然要為巡唱操弗，一星期做4次Gym兼嚴格控制飲食，想知道東東備戰巡唱詳情，睇足本訪問啦！
