【Viu】台灣男神劉以豪同香港女神Stephy鄧麗欣首度合作愛情懸疑片《白晝如焚》，共譜一段愛到窒息嘅畸戀，兩位互笠高帽，激讚對方好演技，所以喺片場一拍即合、默契十足咁話！
Stephy 今次要一人分飾兩角，角色不知不覺「植根」咗喺現實中，拍完兩年幾都未能完全抽離，早排去倫敦亞洲電影節首映時，仲邊做分享邊喊，入戲到咁，難怪獲《福岡旭日國際電影節》頒發「特別功績賞」啦！至於以豪亦一改暖男路線，演繹沉鬱角色，加上要面對全廣東話嘅陌生拍攝環境，挑戰超大！講到角色為愛情奮不顧身，以豪同Stephy分享喺現實中為愛情燈蛾撲火嘅經歷，仲大方分享自己嘅「愛情地雷」，各位追求者真係要Mark低喇！
難得以豪一場嚟到，小編當然要同佢玩吓遊戲喇，想知道佢拍完港產片後，廣東話有冇進步？識唔識年輕人嘅戀愛潮語，睇晒成個訪問就知晒啦！
