【Viu】Jennifer余香凝憑《白日之下》首奪香港電影金像獎影后，佢接受訪問時話好內疚唔記得多謝導演簡君晉，問佢想唔想今晚同老公生多個慶祝吓？Jennifer話：「今晚只想打邊爐，成個團隊都餓咗好耐，又話兩個小朋友已經夠晒數。」
黃子華雖然失落影帝，但《毒舌大狀》奪「最佳電影」，對佢嚟講好有戲劇性，又搞笑話：「我20年冇拍戲，係新演員嚟，拍嘅戲都唔夠阿Dee多，未來無可限量。」
問到原定由老友劉青雲頒「最佳男主角」，會唔會諗過係自己攞？佢又爆seed：「青雲喺度我冇運行，死多幾錢重。」而奪「最佳導演」嘅鄭保瑞話杜琪峯搵佢拍《命案》時，係因為疫情冇戲開，令佢重拾初心。
