【viu】台灣唱將「小隊長」盧廣仲事隔13年再踏上紅館舞台，完騷後自爆失聲又耳鳴？原來係因為佢想同全場小隊員鬥大聲唱歌，出盡奶力battle之下燒聲，加上佢笑話除低耳機「聽察軍情」嗰刻被「攻擊」耳膜，所以最後宣布落敗！更對熱情嘅小隊員合唱團畀足「泣伯（100）」分，即刻三度encore做獎勵，氣氛high到不行！
是晚小隊長準備咗一小段嘅廣東歌送畀小隊員，就係佢寫畀林家謙嘅《doodoodoo》！佢笑話廣東話實在係太難學，暫時自學學到嗌「老死（世）」點菜，仲即場速學多句廣東話，係咪好想知係邊句呢？重提佢之前反向家謙邀歌，小隊長再隔空提示對方，唔知家謙收唔收到呢？小隊長又話下次開騷想請家謙做嘉賓，咁就到時順便帶埋新歌、新碟啦！
另外，小隊長個短褲style深入小隊員心，但呢次開騷竟然收埋對靚鞋着長褲，除咗係怕凍親個膝頭哥要養生之外，背後仲有個笑到有腹肌嘅原因！只可以話小隊長真係搞笑又可愛！想知小隊長每次嚟香港必飲啲咩？香港小隊員送咗啲咩禮物令佢哭笑不得？快啲睇片啦！
