【Viu】MIRROR 12子今晚夜機齊齊飛倫敦，準備英國時間12號嘅倫敦站巡迴演唱會，同埋打後嘅曼徹斯特，半百鏡粉齊集機場等送機！大約九點半， 「哥與弟」姜濤同Ian率先達陣，戴晒黑帽黑口罩同黑色衫，都幾襯，問佢哋會唔會食餐好，兩個只笑不語！然後到AK同虎仔，睇片留意AK落車隻腳幾鬼馬！
跟住，「登神CP」Anson Lo同Edan亦孖住坐車嚟，連隨同Fans派心揮手，勁寵粉，LoLo仲話要食足6餐飛機餐，咦，咁咪打破上次5餐紀錄，好上進呀！而Lokman同Alton就表示對旅程好期待，Alton仲擺左個好風騷嘅pose添。小編問Stanley同Frankie上台會唔會除衫？Frankie都忍唔住大叫「咁都要除？」但大表哥就懶神秘，不過佢話波波仲喺度，笑C！而做音樂人王雙駿作品展嘉賓嘅Jeremy同Jer就分開車趕到，Jeremy話真係太趕，好可惜同唔到Carl叔叔合照，而對於今晚有樂手不慎跌落台，Jer就一臉擔心，但就話聽聞對方冇大礙，所以都放心返啲。
