【Viu】193@ERROR農曆新年第一日開工，就係同fans食盆菜，超warm！33話今年繼續派開工利是，自爆因為啱啱先換到新銀紙，所以新正頭落街為咗避啲看更要兜路行後門，依家終於可以光明正大行正門，會唔會太搞笑？
33指日前組隊，同阿Dee、肥仔、Edan、Jer等去吳君如公司團拜，佢笑話見到好多大人物，即刻撻着個逗利是mode勁happy happy！更使出逗完又逗嘅「大絕」，新嘅一年仲唔豬籠入水？
講起33早前上《試當真》研討Byejack老師首《老派約會之必要 Remix》嘅歌詞，佢笑話細細個就聽Byejack老師唱歌，有機會都真係想合作！33預告嚟緊會重新經營YouTube Channel，拍多啲唔同嘅類型片，又搞笑話想向「鬼王」潘紹聰致敬開個「smallsmallair」，會唔會搵埋七師傅一齊玩？33即扁嘴「投訴」七師傅！另外，33早排同3妹去葡萄牙拍旅遊節目，有咩趣事？下次會搵埋3媽？即刻去足本訪問片！
