【Viu】歌手Juno今年全面回歸!繼去年3月演出西九戶外音樂會,7月同周國賢喺亞博合體開騷後,Juno將於2月22號再喺亞博舉行《金榜題名project_mayhem - an urban fantasy by Juno Mak》演唱會,為觀眾帶嚟一場跨媒體盛宴!今次演唱會由講述黑幫嘅電影劇本為主軸,以「金榜題名」講述「忠孝仁義」,身兼演唱會導演嘅Juno,邀得廿四味、Matt Force、Novel Fergus同王嘉儀等,去演繹剛陽味重兼具戾氣嘅故事,仲製作咗演唱會同名主題曲《金榜題名》,將Hip Hop融入「麥氏樂章」,雖然因為內容敏感而遭電台禁播,但Juno冇唔開心,仲話造歌最緊要有靈魂,Respect呀!講到歌迷最掛住嘅經典舊歌,Juno就笑談其中一首令佢「耿耿於懷」喇!
Juno直言要承載「忠孝仁義」四大美德,事必要取捨,而取捨正正喺大家嘅日常生活不斷上演,相信觀眾一定有共鳴,而佢挑戰「男人二揀一」時亦大方分享對「剛陽味」嘅想法,想知道Juno視邊位男神係「剛陽味天花板」,睇專訪就一清二楚喇!
Juno金榜題名 「拖馬」晒剛陽味 狂唱《耿耿於懷》搞到耿耿於懷? 夢想做奇連伊士活 80歲仍執導筒