【Viu】陳健安喺2024年真係開咗個好頭呀！去年12月推出嘅同名大碟《Life After Life》賣到有炒價；元旦日就喺叱咤首次以個人身份得到歌曲獎；2月底至3月頭仲踏上旺角麥花臣舞台，舉行首個個人實體演唱會《Live afteR Life》，加場後開足4場，族長威豬呀！
安仔表示今次演唱會主題來自哲學家尼采嘅名言，大意係生活係痛苦嘅，而我哋生活就係要尋找痛苦背後嘅意義，仲大方分享2018年經歷失聲嘅痛苦，聽到小編都眼濕濕呀！
不過，只要堅持，大家都可以喺黑暗中搵到光嘅存在，身為「樂壇社工」同「樂壇護士」嘅安仔，即席傳授減壓方法，仲用靚聲唱出具治癒力嘅歌曲畀「十年嘅安仔」同埋「本原族」聽，各位族人收嘢喇！
