【Viu】COLLAR、P1X3L喺 《新城勁爆頒獎禮》同ERROR 一齊攞「勁爆組合」！隊長Gao指團體獎係一枝強心針，會以平常心面對之後嘅頒獎禮！其中Marf攞「勁爆我撐新人」，佢興奮話超開心，但對30秒嘅得獎感言好緊張，又指自己啱啱病好，好彩對演出冇影響，特別係喺唱梅艷芳首《壞女孩》時！
Ivy So現正為將公演嘅舞台劇排練，佢指進度良好，又有冇再被吳肇軒、Locker恰？Winka最近受浸嘅感受？芯駖有冇收睇自己有份演出嘅新劇《法與情》？佢指拍攝嗰陣有同剛離世嘅黎淑賢有幾幕對手戲，感到對方係一位好好嘅前輩，並唔覺對方當時嘅情緒有異樣。
P1X3L呢晚二缺一亮相，Marco因病缺席，George指佢由Joy Boy變Sick Boy，仲有少少失聲添！所以Marco個新人獎由兩位兄弟代上台攞，咁咪可以畀明年單飛出歌嘅George嚟個預演？George聽到有咩反應？Phoebus以《Bad》首奪「勁爆跳舞歌曲」獎感受？等佢哋親自話畀你哋聽啦！
