【Viu】霍哥今晚大戰周永恆贏咗，賽後訪問激罕公開講已離世嘅前微辣成員阿晶，佢話絕對係「鋪排」：「啲網友成日話我唔敢講佢，我就係希望趁今日人多，有好多傳媒、觀眾喺度先講，佢雖然人走咗，希望大家放下仇恨！」霍哥又話唔介意俾人話「X街」同消費阿晶，仲話10萬拳酬會全數捐去全數捐出去澳門人人流浪狗義工團，用阿晶名義做善事。
而賽前霍哥豪言希望2 Round K.O 周永恆，但事與願違要打足4 Round，佢話原來減30磅打75kg好辛苦冇晒力。賽前喪撩霍哥隻揪嘅周永恆，亦主動同霍哥攬攬，仲自稱成日睇霍哥啲片，更話要去澳門上對方節目。佢又話冇預自己贏定輸，而家最想瞓覺。又話囝囝叫佢唔好贏喎！好想繼續睇？足本訪問片幫到你！
