【Viu】小薯茄揼本逾百萬、籌備咗一年嘅《薯茄明星運動會》聽晚就首播，今晚小薯茄仲洗錢喺商場搞開幕暨閉幕典禮兼播節目精華版，仲請嚟有份參賽嘅許賢@試當真、阿慈@試當真，KB、嘉盈@FHproduction、東方昇@100毛等，勁熱鬧。
朱Mic自認係運動會中最型嗰個，但就爆練習時曾中暑，M.I.C王子乜咁虛呀！阿J就沾沾聽到好多歡呼聲。對於公司第一次喺商場搞活動，童童話曾經諗過做盆菜宴咁話！
講到Finally下月嘅舞台劇，只請咗阿冰演出，阿J仲逼阿冰愛上佢哋。程人富就反怪童童自己演《死鬼老婆》舞台劇，冇預佢喎！而身為反inally 嘅阿冰就話對住佢哋着晒火，佢哋一痴埋就鬥嘴。
而許賢就自稱鍾意運動，幾個月前仲因為咁而暈低咗，仲話因為咁身體某處充返血添！而KB就爆對上一次去運動會係1993年，近10年都只係玩水同滑雪，又自認「Old乜乜」，要吸收年輕人氣場。許賢仲宣布下年3月同游學修有大單嘢搞添！想知更多？睇足本訪問片啦！
