【Viu】黃偉晉@五堅情一連兩場處男香港演唱會，昨晚（5日）圓滿結束。偉晉騷後受訪話冇諗過香港歌迷咁熱情，坦言一開始有啲擔心，所以揀咗個比較保守嘅場地，希望下次有機會再嚟香港，可以搵個大場開騷。
今次演唱會大部份係企位，有歌迷疑不滿有人用物品「霸位」排隊，搞到偉晉忍唔住喺IG爆seed話：「甘我屁事！」、「少在那邊情勒藝人了」，偉晉笑認自己會罵歌迷，但都會體諒大家要排隊兼企位聽歌，以後會考慮得更周詳。演唱會上，佢揀咗唱MC嘅《世一》同林家謙《一人之境》，佢期待可以合作，更想推出一首屬於自己嘅廣東歌。
面對台下Fans群情洶湧叫「脫掉」，偉晉都堅持唔除衫？仲有隊友婁峻碩求婚成功，竟然搞到偉晉好煩惱，想知點解，記得留意足本訪問內容。
