【Viu】Kevin朱鑑然、Dixon黃奕晨同黃溢濠喺ViuTV新劇《冰上火花》入面，分別飾演「爸爸」、「唏噓」同「老黎」，同Locker合稱火花元老級成員嘅「四大才子」。朱仔今次升呢人夫同人父，仲係同Fish廖子妤繼《骨妹》後再度合作，笑言終於可以談情喇！至於Dixon嘅「唏噓」就係A0寶寶，想愛而不敢愛，同現實中大相徑庭。溢濠就友情戲居多，仲有不少爆喊場口，好心痛呀！
拍得運動題材，少不免會受傷，溢濠拍到膊頭慣性甩骹；朱仔同Dixon就滿腳水泡，仲試過「三合一」變大水泡，隔住個Mon都痛呀！
不過，三子話《冰上火花》除咗係熱血運動劇，中心思想係教大家點樣面對同走出傷痛，仲分享入行十年經歷過嘅低潮，有人仲講到眼濕濕呀！想睇笑中有淚嘅朱仔、Dixon同溢濠，呢個專訪真係滿足晒大家嘅要求喇！
