【Viu】陳蕾、MC張天賦、洪嘉豪今日現身「叱咤頒獎禮」記者會，嘉豪同MC都分別以冷衫Look同牛仔褸出場，熱爆，但MC寧願違抗經理人聖旨除褸散熱，相反嘉豪就較乖，佢笑認：「唔係我唔想，但呢件一除就除晒！仲以為中秋過咗會涼！」啱啱去完泰國慶生嘅陳蕾，話可惜冇艷遇。而MC對攞至尊金曲冇信心，仲自嘲自己首《與我無關》唔好聽添！
Tyson Yoshi就話撐Jeffrey攞生力軍獎，亦好想孖林家謙、Serrini一齊開騷，但爆seed話家謙不屑同佢哋一齊喎！Tyson今日好似食咗誠實豆沙包，又爆女友因為買新車單嘢嬲咗佢兩日。
而許廷鏗近日post新歌《一場同學》MV嘅封面相片，竟驚見神隱半年嘅欣宜背影，Alfred認Joyce係MV女角，仲話佢精神澎湃，已Ready上水添！
