【Viu】周潤發、湯唯、姜濤、Do姐鄭裕玲、麥浚龍、楊偲泳、蔡思韵、鍾雪瑩今日現身品牌活動。發哥見老友Do姐第一時間要自拍，及後又主動行近撐場姜糖身邊Selfie，勁Nice，仲扮呷醋話只見阿姜應援牌而冇周牌，姜糖們都好興奮大叫發哥！。
發哥又話開心見到湯唯做咗媽咪後開朗咗，希望佢個韓國導演老公開戲俾自己同湯唯拍，更自認似Oppa添！發哥又構思同黃子華、Do姐玩兩王一后拍動作戲，笑言Do姐瘦到俾風吹得走。
而一身名貴珠寶嘅湯唯，笑話平時鍾意簡單配搭，戴得最多係沉香木飾物，仲爆係老公追佢嘅定情信物，So Sweet！湯唯話恨拍港片，有好劇本的話，尺度勁過《色戒》兼唔收片酬都得添！
