【Viu】將近一年冇公開面嘅Jace陳凱詠，今日正式復出，甫見傳媒即hyper mode，笑話好想尖叫，但又要保持高貴、斯文形象。對於盛傳加盟華納、英皇，Jace話好surprise大家咁關心自己，經過沉澱後決定一闖自組工作室，坦言好驚又大壓力，慶幸獲前輩們疏解。
呢段時間，Jace自覺成長唔少，講到自組工作室最困難處，必定係同數字、商業有關，因為佢最唔識就係「講數」。問係咪因為同前公司環球理念不一致唔再簽公司？Jace大方指同前公司嘅經歷好好，對將來嘅事既來之則安之，並預告新歌快將面世，一切從簡，希望大家可以見到不一樣嘅Jace！
同場吳家忻（kayan9896）打扮靚靚出席活動，9月6日係佢嘅25歲生日，生日月同friend飛咗去泰國慶祝，順道睇偶像Post Malone嘅演唱會。問有冇追求者？kayan9896笑話拒絕晒，自認眼角高，最好似Post Malone咁有才華！提起好姊妹Jaime張天穎剛失戀，kayan9896聞言以崩潰慘樣做「擋箭牌」勁爆笑，又預告同Jaime嚟緊有跳舞合作，想知kayan9896仲講咗啲咩？睇足本訪問啦！
