【Viu】Gareth.T 湯令山今日喺西九文化區藝術公園舉行《夏日熱播音樂會》，完騷訪問，提到佢將於9月30及10月1日喺亞博舉行嘅一連兩場《未來音樂祭》演唱會門票告急，大會出Po 直指僅售三成，有份演出嘅Gareth T.話之前都有睇過呢個騷，新舊歌手融合，整個idea幾好，但就覺得呢排實在太多show，歌迷可能都消化唔到。
講到佢同Tyson Yoshi 一直都好似只係網上交流嘅朋友咁，今年12月終於合體為MOOV LIVE開騷，佢話除咗有從未曝光新歌之外，預告2人會好有火花，爆粗、講無聊嘢兼露腹肌等，仲會有啲花臣嘢搞，想知係乜？記得睇埋足本訪問。
