【Viu】ViuTV新劇《Food Buddies》將於9月18日播出，一眾演員Will柯煒林、吳肇軒、談善言、蘇皓兒、Michelle衛詩雅、唐浩然等晒冷現身！佢哋率先自爆劇中難忘事，Will爆被阿談摑咗一巴勁嘅，意外留五指紅印！佢再追加一單就係同Michelle拍kiss戲聽唔到導演嗌cut，唔通錫到忘形？
Will又話劇中有唔少親熱戲，有幕仲會同阿唐嚟個花式男男錫添！不過對Will嚟講，佢揚言只要劇本好、電視尺度ok就冇底線，要佢出動私伙「巨龍」都得呀！玩到咁大？而Michelle就話最難忘就係同阿唐嘅假發光「巨龍」對戲，當時天氣凍都怕阿唐除褲冷親呀！佢哋又對阿唐嘅食物應援又愛又恨，想知點解？睇足本訪問片咪知囉！
