【Viu】Frankie@MIRROR今日現身傢私店活動，原來佢做Dancer期間曾經喺度做過兩年兼職，今次可以話係返「娘家」。Frankie又話自己亂中整齊，咁講到隊中邊個最混亂？佢話非Edan莫屬。
上個月去完日本大阪慶生嘅Frankie，就話冇睇靚女，亦冇人搵佢集郵。而再之前亦爭取時間去咗馬爾代夫度假，但就由頭包到落腳冇騷肌同泳褲Look，咁真係嘥晒副Body啦！
依家忙緊綵排處男音樂劇《大象的告別式》，Frankie竟然話壓力仲大過做演唱會，講到有傳MIRROR為咗演出明年1月嘅補場演唱會，所以佢哋唔會出席年尾嘅樂壇頒獎禮，Frankie亦證實啦！想知？睇足本訪問片啦！
