【Viu】Lolly Talk今日現身商場活動，除咗唱新歌《四方帽之約》，仲分隊玩「神同步」大派表情包俾台下波板糖，搞到大家都high爆瘋狂尖叫。
Lolly Talk透露嚟緊會繼續推出團歌，仲話好希望今年可以圓夢開演唱會，點知俾Ahyo唔小心爆響口，原來已經搵好晒場地，搞到其他成員鬼咁緊張，要求Ah Yo「封嘴」收番佢支咪，真係笑cry! 原來噚日係Mei Mei 嘅「13歲」（真實年齡31歲）生日，一班隊員同佢玩咗個memo紙尋寶遊戲，仲送咗一份佢想要好耐嘅禮物，想知Mei Mei有幾咁驚喜？記得睇足本訪問嘞。
