【Viu】成軍5年時間,MIRROR由12個新丁一躍升為香港天團,奈何外間經常比較各成員嘅人氣,仲以上/下弦嚟劃分。Stanley就睇得好化,自覺做MIRROR下弦已經好幸運,起碼比其他新人行快幾步,當然會戥其他成員爆紅開心,但自己唔介意用正常速度去發展。
雖然對於被列為下弦抱平常心,但Stanley都試過對前路感到迷惘,好彩有「豬仔」Jeremy同行,仲爆呢位「豬隊友」試過破戒飲酒兼落淚,聽到都心痛呀!另一位要特別鳴謝嘅就隊友就係姜濤喇,Stanley感激姜弟經常仗義執言,「大表姜」係有愛嘅!之但係,原來「大表嫂」Alina嘅最愛又另有其人喎,到底係邊個呢?
除咗隊友扶持,Team Stanley當然功不可沒,Stanley都有情深說話同大家講呀,小編暈喇!