【Viu】舞台劇《Laugh Vacation》今日舉行記招，演員193@ERROR、Sofiee吳海昕、Rosa韋羅莎、白只、朱栢謙、楊偉倫、胡麗英大曬冷！193同Sofiee首次挑戰做舞台劇，平時膽生毛嘅33都話因為環境陌生都有少驚，謙稱「處男」要向前輩們偷「破處」經，白只開心share當年又濕又黑又多人經驗，訪問就由呢個moment開始大暴走！
另一pair Sofiee同阿卵繼《I SWIM》再合體，咁啱得咁橋再次上演男痴戀女戲碼，阿卵不禁呻點解冇得做被追嗰個！佢哋又預告到時尺度超大，咁就真係要睇過先知！Sofiee口講享受拒絕阿卵嘅快感，但轉個頭又讚對方係才華型，甚至可能、有機會日久生情，女人果然係難捉摸呀！
