【Viu】Sammi鄭秀文、林嘉欣、Ashley林愷鈴、Elva倪晨曦同kayan9896等今晚盛裝出席珠寶活動。
早排中咗Covid嘅Sammi，病癒後首度現身，依然聲沙沙嘅佢，坦承受「長新冠」影響，聲線同體力都未完全恢復，所以好擔心影響7月演唱會嘅表現，搞到失眠兼落淚，但自己唔想歌迷「硬食」佢把沙聲，如果聲線恢復唔切，最壞打算唯有實行Plan B喇！
阿Mi又話因為有哮喘底，今次中招真係百上加斤，難為咗枕邊人安仔幫佢斟茶遞水兼拍痰，患難見真情呀！講到好友欣宜同樣抱恙，阿Mi都有關心對方，希望大家畀啲空間佢休息，收到晒呀！
