【Viu】Ian陳卓賢同Kayan9896今日出席時裝活動，獲大批Hellosss撐場，仲有大合照，Sweet到爆呀！病住過正日生日嘅Ian，講到之後都會同家人補祝生日，加上媽咪同樣喺6月生日，又撞正父親節，真係要好好地賀一賀佢！至於生日願望，Ian都想買磚頭送畀媽咪，仲爆媽咪到今時今日都驚佢捱窮捱餓，成日禁止乖仔送禮。
至於社交網站嘅「墨演相」，同樣由媽咪操刀，Ian仲自爆小五嘅體重已經睇齊依家，所以自己都認同AK話自己「塊面圓過把風扇」！不過，Ian最沾沾係得到「真．尹光」錄音賀壽，希望終有一日可以合作啦！
