【Viu】「Dee哥」何啟華、「Dee姐」陳海寧同《全民造星V》嘅「Dee哥2.0」Aaron梁浩朗，今日首次同場吸金，唔止Dee哥老友游學修感到震驚，連Aaron父母都專誠嚟搵Dee哥、Dee姐影「全家福」，笑Cry呀！
講到Aaron父母喺化妝時認錯Dee哥係阿仔，Dee哥笑言可以同Aaron交換屋企門匙，方便「返屋企」食飯，仲想何梁兩家認識添喎！咦？唔驚發現「不能說的秘密」咩？Aaron就話想同「阿哥家姐」合作拍劇同主持旅遊節目，仲諗定呃飲呃食大計，想知節目叫咩名？Dee姐又點睇畀「撞樣男」追求呢回事？記得睇足本訪問喇！
