ViuTV年度大型選秀節目《全民造星》第五季昨晚(15日)首播,出身自該節目的男團MIRROR及ERROR,分別派出正、副隊長遠赴加拿大和馬來西亞揀卒,務求提升參賽者整體水平。不過,節目前監製花姐首集已指今年參賽者「質素差」。
《全民造星V》首集播出MIRROR的Lokman、Anson Kong(AK),以及ERROR的肥仔與阿Dee(何啟華)在異國街頭尋找有潛質參賽者,卻連環食檸檬的片段。肥仔阿Dee更分別要扮演姜濤和強尼,在大馬的商場舉辦假的姜濤見面會吸人流,場面搞笑。
Jay Fung示範鬧人惹笑
首集亦安排兩組導師——實力派歌手陳健安(On仔)和陳蕾,R&B唱作王子Jay Fung和演員韋羅莎(Rosa)與今屆擔任節目顧問的花姐對談,On仔自言母愛泛濫,陳蕾則被指是外貌協會,花姐擔心她主觀、易偏心,但陳蕾稱其實每個人都有某種主觀。至於Rosa就稱自己只會講真話,但又不想做衰人;Jay Fung則被花姐取笑太nice,被要求示範鬧人,但他鬧人後卻惹全場大笑。
今屆不少參賽者都無跳舞底子,因此訓練出現不少困難,花姐更對眾人訓話,直指今屆質素比較差,「如果你哋覺得我哋變態,點解個節目一定要跳舞,你哋唔忿氣嘅話,sorry,呢個節目唔啱你」。