【Viu】台灣人氣歌手SHOU婁峻碩今晚喺麥花臣開騷，除咗邀請老友小派做嘉賓之外，仲有個公開嘅特別嘉賓Tyson Yoshi！去到個唱尾段Tyson終於現身！全場「婁力士」喪嗌是常識吧！兩位男神合體認真不得了，jam咗首《Just Break Up》炒熱氣氛！Tyson上得台當然有特別任務，「TY廣東話小教室」，想唔想知今次Tyson教咗SHOU啲咩呢？
Encore環節，SHOU由觀眾席後排驚喜現身大唱《飛機AIRPLANE》，零距離親近後排「婁力士」，大騷麒麟臂超sexy！佢仲即場送咗頂帽畀其中一位幸運兒，男友力max！冧完「婁力士」，點少得要冧女友焦凡凡，SHOU喺台上霸氣mode示愛，又感謝家人一直喺身邊支持！到最後一首歌《Colorful》更嚟個全場大合唱，去片feel吓現場有幾high啦！
