【Viu】有份為《第41屆香港電影金像獎》擔任表演嘉賓嘅Serrini孖住老死林家謙齊齊行紅地氈，Serrini一身公主造型，居然俾家謙mean爆咁話佢似後母，真係笑爆嘴！而早排失聲嘅家謙表示好彩呢兩日好得切咋，依家已經好返8、9成！講到嚟緊要同do姐出埠拍節目，家謙話相信呢次會係好震撼嘅旅程，仲話唔怕喺鏡頭前寸do姐喎！認真大膽啊！
而獲提名最佳原創電影歌曲嘅洪嘉豪，第一次參加金像獎呢個盛事，被問到行紅地氈心情，佢居然問返記者個紅地氈喺邊，完全唔知自己已經行緊紅地氈，咁搞笑得唔得㗎？至於講到對手有勁敵姜濤，嘉豪就話能夠提名已經好開心，如果今晚拎唔到獎，一定會叫何爵天導演再搵自己合作，唱到拎到獎為止！另外嘉豪仲劇透同do姐出埠目的地，兼賣口乖話睇晒do姐之前啲旅遊節目，直情背得出do姐啲對白添！究竟真唔真？即刻睇片啦！
