【Viu】今晚於會展舉行的《想 張國榮20周年致敬音樂會》有梁漢文坐住梳化勁chill咁唱住《想你》進場，佢自稱由細就係「哥」迷，雖然入行後未有機會同哥哥合唱，但好彩可以參演《金枝玉葉2》，憶述當年喺化妝室首見哥哥嘅情況，仲模仿起哥哥唱歌，然後再演繹曾喺中學歌唱比賽獲獎嘅《奔向未來日子》。
蘇永康緊接出場，講起1985年第一次睇哥哥紅館騷被叫入後台會面，佢話當時哥哥着住浴袍同佢對話，完全冇架子！蘇永康自爆10年前喺哥哥紀念音樂會上唱《無需要太多》唱得唔好，今晚專登揀呢首歌一雪前恥。許志安演繹金曲《追》全場拍爛手掌，其後孖「Big Four」兄弟梁漢文、蘇永康合唱《左右手》。音樂會尾段有曾比特兼休息大半年後首次公開演唱嘅AGA江海迦上台，一同緬懷哥哥。
