【Viu】Edan呂爵安、鄭中基、毛舜筠、「阿卵」楊偉倫、余香凝同黃又南等，噚晚出席《死屍死時四十四》首映禮！朝早先喺日本返港嘅Edan，大讚爵屎準備嘅「莫生氣」Banner有創意，又重申冇因為網友言論嬲嬲豬。講到MIRROR將於5月首次衝出香港，去馬來西亞演出，Edan就話好緊要喇，榮幸同各地巨星同場表演。
至於鄭中基就笑指Edan高咗，就算自己著厚底鞋都無補於事；毛姐就對再封金像影后有信心，最開心係一班「仔女」包括Edan、Jer、阿卵同余香凝齊齊有提名。此外，Dee哥透露專誠捧導演何爵天場，順便搲撈，又揚言願為藝術犧牲，露「肉丁」又何妨！
