【Viu】MIRROR、林家棟、陳湛文同伍詠詩等今日出席《Viu x MakerVille發佈會》，除咗睇到佢哋早前公開嘅《12怪盜》新戲造型照之外，仲劇透佢哋12個今次會一齊飾演鋤強扶弱嘅大英雄，維護世界和平！講到鏡粉最關心有冇女主角？Lokman就話欠奉；連邊個最需要特訓武術都係商業秘密，笑Cry呀！
至於姜濤就解釋因為檔期問題，只能夠特別演出袁劍偉導演嘅新片，但自己稍後都會去日本工作，唔知會唔會同Anson Lo、Edan一齊shopping呢？
此外，陳湛文自爆喺《命案》同Lokman「腥腥相識」，但血腥場口主力係同伍詠詩，仲畀佢搞到「一頸血」。佢又話對金像獎男配有少少信心，但睇好大前輩許冠文。
