Photo／梁文禮Facebook
商台DJ梁文禮因「明讚暗踩」梁詠琪（Gigi）演唱會而引發公關災難，他今日（20日）公開道歉，稱「一路好鍾意佢（Gigi）啲歌」，批評是因為「肉緊聽」，更表示已撰長文向Gigi道歉。
梁詠琪昨晚完成一連三場紅館演唱會。
梁文禮在他主持的商台節目《叱咤樂壇》一開始就致歉，「我想對團隊，對梁詠琪講句唔好意思，第一日睇完好肉緊喺自己平台寫咗應該點做，有少少意見」，但傳媒就指他「狠批」梁詠琪演唱會。
梁文禮：其實向梁詠琪示愛
他又指就算是同一個演唱會，都會「有好多面向，觀眾有自己選取」，自己可能被座位影響觀感，「如果之後演唱會會出DVD我都想睇多次......可能我座位角度有啲嘢睇唔到」。
服裝被梁文禮嘲似「一張抹完鼻血嘅紙巾」。
梁文禮隨後又表示已向梁詠琪道歉，「我冇佢聯絡電話，透過雲妮（商台同事）send咗好大段文字道歉，我有話點解咁肉緊講」，同時表明「唔係作為outsider或所謂主持去狠批，我係一路好鍾意佢啲歌，啲歌陪伴我生活、經歷，同埋面對種種問題，肉緊聽先會有回應」，強調自己「好支持」Gigi，「其實向梁詠琪示愛」。
梁文禮早前被發現一方面在IG公開賬戶讚演唱會上的Gigi「好靚」，另一方面又在Facebook的非公開賬戶狠批演唱會「個flow差，歌編得差，舞差，當然佢唱得差啦」，甚至指其中一套服裝似「一張抹完鼻血嘅紙巾」，被網民指是「雙面人」。
梁文禮在IG公開賬戶讚Gigi「好靚」。
梁文禮在Facebook非公開賬戶狠批演唱會。
Gigi昨晚完成演唱會後回應負評，指每個人都會抱住一些期望或標準去欣賞一個作品，而自己已盡最大努力。
