【Viu】2019年10月2日夜晚8點，你做緊啲咩呀？ERROR就喺旺角麥花臣開騷囉，MIRROR好多成員都喺度呀，噚晚ERROR又開騷，喺九展演出尾場《明星生活ERROR LIVE SHOW 2022》，半隊MIRROR又喺度。
ERROR合體棟篤笑環節，其中一PART佢哋緬懷當年喺麥花臣開騷，Anson Lo、Stanley、Frankie、Jeremy、Lokman同Tigar都有做嘉賓表演，時光飛逝，ERROR話佢哋初心不變，依然係揸緊宗旨，希望有朝一日可以殺死我的經理人！
而台下半隊MIRROR都睇到哈哈大笑。
其實Stanley、Edan、Jeremy、Tiger、Frankie、Alton捧場，到場時6子一出現就令全場尖叫！師弟P1X3L都唔嘢少，吸引全場404揮手尖叫，好墟冚呀！而阿Dee每晚都提及、幫佢買撈嘅「雪雪BB」盧覓雪，同樣大受錯粉歡迎，直頭好似開Fans見面會咁！仲有曾經同肥仔、193合作《男排女將》嘅Stephy都有捧場，唔知肥仔今晚見到女神會唔會跳得特別醒神呢？其他捧場嘉賓包括「一姐」陳俞希、Yoyo葛綽瑤、Alice許寶恆、陳安立、陳子豐、葛民輝、森美、舒文等，仲有《毒舌大狀》團隊谷德昭、王丹妮、廖子妤、楊偲泳同栢天男等，可見ERROR喺圈中人緣超好！
