【Viu】甜品相信係唔少女仔嘅心頭好，而靚媽湯怡唔單止鍾意食，仲好拿手整甜品添！今年二月佢將自己呢個嗜好發展成一門生意，喺疫市下開設佢人生第一間甜品Popup Store，仲喺短短10個月內將限定店擴張到三間！所以話只要係真材實料，無論幾時開都會吸引到大家捧場嘅！而且湯怡為咗間餅店除咗投入大量資金，仲犧牲咗好多休息時間，忙工作之餘都要平衡家庭生活照顧囡囡，每日都淨係瞓得個4-5個鐘，真係名符其實嘅超人媽媽！不過再忙都好，湯怡都係希望一步步向目標邁進，令生意先可以愈做愈大，快啲開到夢想中嘅Cafe啊！
