【Viu】ViuTV新劇《百萬同居計劃》聽晚就同觀眾見面，今次JERSON合體勁有睇頭，阿Jer仲講笑話蘇b呢個角色對佢一啲難度都冇，Anson Lo就即刻話佢拍完電影變成「柳老師」，不過轉數勁快嘅Jer就即刻回禮，話冇難度係因為平時 「Anson Lo老師」教咗佢好多嘢啊！果然兩位兄弟坐埋一齊就笑料多多，當教主話Jer係好室友，瞓覺冇咩鼻鼾嗰陣，柳三歲即刻爆大鑤：「你有……」搞到教主都唔知好嬲定好笑！
另外，佢哋更分享劇中難忘場口，話黃德斌係爆肚王，而NG王就係霍哥嘞！教主仲話今次第二次同德斌合作，傾多咗健身經，不時向對方請教，仲話佢同Jeffrey做引體上升都輸俾德斌添，認真猛料啊！講到做Gym， Jer最近都愛上操肌，似乎成果都唔錯，搞到教主都忍唔住幫大家謀福利，叫佢騷俾大家睇，不過Jer就講笑話自己好貴，唔會咁易騷肌㗎！哎呀！仲以為可以大飽眼福添！
