【Viu】Locker林家熙同Kayan9896吳家忻今日情侶檔出席手錶活動，小兩口全程耍花槍互窒，Kayan踢爆Locker買貴錶，又即席嗲男友送禮物，Locker即刻反擊話已經成日送禮物畀佢，仲想點，笑Cry呀！講到二人日前去Camping，Locker都補飛讚女朋友燒嘅棉花糖好好食，可惜讚讚吓又變成「火的戰爭」！
雖然成日互Mean，但Locker同Kayan都希望繼續情侶檔吸金，最好一齊拍電影，Kayan仲話想演殺手殺死男友，有仇報仇咁款喎！冤氣到咁，兩位又幾時拉埋天窗呢？Locker就想趁後生衝刺事業；Kayan就笑言早排買咗窗簾，可惜係百葉簾，拉唔埋咁話！
