【Viu】Jeffrey魏浚笙今日出席品牌活動時，透露稍後要補拍賀歲片《超神經械刧案》嘅騷肌戲，奈何早排喪食搞到肥晒，只得10日時間操返個靚Body。至於軒公年尾又開騷，Jeffrey即席為劇組謀福利，希望有劇組飛啦！
講到ViuTV原創劇《百萬同居計劃》即將出街，Jeffrey透露喺劇中會輕露手臂，令出名大隻嘅德斌兄都為之震驚，仲自爆有search德斌兄後生嗰陣啲爆肌相，誇張到嚇親呀！
此外，Jeffrey預計明年出新歌，仲爆好兄弟Tyson Yoshi誠邀佢同行紐約，順便造歌咁話喎，可惜自己因為工作未能同行呀！
