抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【now.com】梁詠琪(Gigi) 闊別紅館5年，今日宣布將於明年2月17、18日再踏舞台，舉行一連兩場《梁詠琪時間遇上我們》演唱會。Gigi率先透露個唱主題同「時間」有關，希望用浪漫的方式與粉絲重溫出道以來20多年的經典歌曲。Gigi又大爆「頭號粉絲」寶貝囡Sofia得知自己開騷後的得意反應！

Gigi指，今次個唱以「時間」作為主軸，劃分「昨天」、「今天」、「明天」3個部分，用歌聲與樂迷分享這幾年間的成長和體會，取名為「時間遇上我們」。她解釋，「以往會用一種慶祝方式去打開一個演唱會，但呢幾年好多事情發生，我哋嘅舒適圈消失咗，你冇辦法改變佢，但我哋可以用呢段時間，去做一啲我哋未做過嘅事，令時間與我們重新接軌。」又透露會用比較接近劇場表演的形式，帶大家一同打開時間錦囊重溫金曲。

日前梁詠琪(Gigi)為《梁詠琪時間遇上我們》拍攝演唱會海報，相隔5年無開騷，Gigi都希望為粉絲帶來新鮮感。她穿起鮮紅色漆皮外套，一改外表柔弱的形象，變得霸氣十足：「以前演唱會，總會著公主裙，哈哈，但今次嘅造型好唔同，好似著住盔甲、武士道服裝，件褸好重，但影出嚟好靚、好powerful、好sharp，但亦都夾雜咗好浪漫嘅lace，好符合我今次想表達嘅主題。」