【viu】Cecilia蔡思韵今日孖劉俊謙拍拖出席名錶活動，講到男方近日從台灣拍完電影返港，咁有冇種小別勝新婚嘅感覺？佢搞笑話走咗半年係「大別」，而且未係「新婚」咁喎～但佢哋自爆見面嗰刻並冇好似電影橋段咁飛撲過去對方度，而係保持安全距離，係最熟悉嘅陌生人！
而啱啱亦參加完東京電影節嘅Cecilia，表示喺香港以外地方可以行紅地氈感到超級開心，可以向當地觀眾介紹《燈火闌珊》，佢又預告好快就再開新戲。劉俊謙講到喺台灣拍電影嗰陣，每晚都向「蔡老師」惡補普通話，所以進步唔少，而講到佢今年生日咁啱要喺台灣一支公過，但節日觀念感極重嘅Cecilia又點會冇準備呀？仲話呢次慶祝會係劉俊謙最難忘嘅一次添呀！想知就記得睇片啦！
