【Viu】雖然Ash 鍾卓穎喺《全民造星IV》初階段60強止步，但未有使佢嘅演藝路畫上句號，轉眼間佢就簽約ViuTV出道，Ash自言動筆嗰刻係經過反覆思考，因為二度離開護士行業需要更大勇氣。好彩呢份勇氣有延伸至佢日後嘅工作上，即使初入行短短數月就被連串負面新聞「攻擊」，瞬間成焦點對象，但Ash仍然勇字行頭撐落去，種種輿論更令佢一夜長大，天生硬頸亦變得軟化，做事又唔再衝動魯莽，佢自爆當期時曾一口氣打8、10頁千字文解釋，最後理性取勝懸崖勒馬。
起跑線或許比較「輸蝕」，但Ash並冇氣餒，目標做好眼前工作，希望時間可以令大家慢慢重新了解、認識佢。想知Ash仲講咗啲咩深情對話？佢覺得自己改變得最多係咩？之後又有咩工作安排？希望透過今集《Viu1 人物專訪》可以令大家再次認識Ash！
