正所謂咩都有得賣，喺網上嘅世界，只有你諗唔到，無嘢係買唔到。近日，美國一名女星 Stephanie Matto 喺社交平台上，賣自己每日新鮮製作嘅「樽裝屁」。佢為咗搏命放屁，就食咗好多大豆等催屁食物，結果引發胸痛入院。
聽講佢一日內飲三奶昔同一大碗黑豆湯（Photo：Instagram@stepankamatto）
31歲嘅 Stephanie 喺2021年11月開始，於社交平台上銷售「樽裝屁」 ，而屁嘅價錢都唔低，一樽就要 1000 蚊美金，大時大節仲有半價優惠， 唔夠一個月就賺10萬（約78萬港紙）。為咗啲屁可以「更多」、「更濃」，Stephanie 會食豆類、雞蛋同蛋白質奶昔嚟催屁。
都係乖乖哋改變下個飲食習慣啦（Photo：Instagram@stepankamatto）
不過，物極必反，Stephanie 有一日喺床到 Feel 到唔係好對路，指當時呼吸困難，心臟周圍更出現刺痛，一度以為心臟病發，其後佢打咗畀朋友，叫朋友幫手載佢去醫院。
到咗醫院檢查後，醫生佢因為經常食用豆類、雞蛋等，會產生過量氣體，以致胸痛，醫生又建議 Stephanie 改變飲食習慣同服食消除脹氣嘅藥。經此一役，Stephanie 都話：「我嘅生意終結咗啦。」
