【now.com】藝人杜如風(Helen)趁農曆新年同旅遊社合作推出8萬8蚊日本豪華旅遊團,名額更一早爆滿。近日Helen於微博、Facebook等社交平台上載早前去旅行的相片。該旅行團大早已同團友商量減少景點,以行街購物為主,Helen大晒多張日本美食相片並說:「餐餐都有15道風味,又懷石、又和牛、又龍蝦⋯每餐食得真誇張!我諗我已經食咗半年以來的嘢! 」今日上午,Helen又上載了一段於旅遊車內的短片,片中Helen大唱粵曲娛賓,有份齊齊去的杜媽媽更拍晒手齊齊唱,車上的團友都紛紛舉機拍片影相,杜如風又留言解釋為何要於車內唱粵曲:「見到班團友嘅年紀都有返咁上下,所以我決定放棄唱陳奕迅嘅歌,一於唱粵曲啦!」網友看畢影片後都留言讚Helen唱得好聽,又話一定會相當開心,不過有網友就諷刺話「八萬八肯定要賣下藝」。
杜如風8萬8蚊日本團 揸咪唱粵曲益團友