0
0
〈娛樂乜乜乜〉MADNESS的人不是鬧着玩!

〈娛樂乜乜乜〉MADNESS的人不是鬧着玩!

樂仔早幾日忽然在IG分享和皮帶千金Sarah的合照公開戀情。(IG圖片)

【now.com】余文樂呢期好幸福,自從在IG分享張溫馨照後,終於承認跟皮帶千金王棠云(Sarah)拍拖,身為明星,好少愛得咁大方。不過大方只係得你覺得,內地有大量網民就唔多欣賞呢種坦誠,反而要怒罵你咁樣做,對!得!住!周!冬!雨!嗎!

不要拗頭,聽完會掉下來。係呀,原來上年樂仔跟周冬雨拍嘅愛情節目《我們相愛吧》,鏡頭前經劇組設計嘅恩恩愛愛畫面,睇得內地觀眾如膠似漆,甚至漆到抽唔到身。加上節目為添聲勢,期間爆出二人假戲真做嘅緋聞來,令眾人一早就認定兩位是天作之合,非他/她不嫁不娶。

夠全情投入嗎?未,內地網民投入到要一窩蜂衝上樂仔嘅微博去數臭對方,咩人品唔好、消費周冬雨、鍾意炫富,就嚟鬧埋佢飲啖水都大啖過人。熟悉國情嘅朋友,都知陸客單用聲討係未夠嘅,話咁快就已經要使出必殺技︰金錢封殺!要抵制余文樂於內地一切商業活動咁話,問你知衰未!

而余文樂最!最!最!傷透大家一片痴心嘅係,佢公開同Sarah拍拖嘅相時,係兩個攬到實一實睇日落呀!日落有咩唔啱,周柏豪張結婚相都睇日落啦,錯在哪兒?錯就錯在你之前同周冬雨最Sweet一幕,係一齊睇日出呀!冇心肝!即係你而家用同一條橋去冧第二個女仔,你覺唔覺得咁樣做,係喺周冬雨傷口上灑鹽,係極唔人道呀!

可能你話,拍個節目搵食啫,俾個假象大家幻想吓,睇得開心咪夠囉。但你實在太低估中國人對所有事情的堅執,做事不是鬧着玩的,最簡單如鬧新房呢個嬉戲環節,內地就屢次爆出一班兄弟姊妹,真係喺一對新人洞房時刻入埋新房,落手落腳去幫一把,扶一下。所以你話玩吓?我們倒是嚴肅對待!

事情鬧得太過不快,昨晚樂仔忍唔住,漏夜出Post講出一段心聲,大致係不解大家為何咁狠地以說話傷人,讓他很痛心,並不希望2017年會係咁樣開始。睇番成件事,如果要歸究是大家太認真,看個電視節目都放唔低的話,咁我會覺得怪就怪樂哥個自家服裝品牌改壞名。MADNESS,瘋狂,支持你嘅好多都支持埋你個品牌,叫得MADNESS,大家梗係聽話要MADNESS上身,入骨入血。如果你當初用HAPPY,或KIDDING起名,今日咪喜氣洋洋囉。我諗係咁,除非唔係。

文:余建

樂仔早幾日忽然在IG分享和皮帶千金Sarah的合照公開戀情。(IG圖片)
樂仔跟王棠云的公開戀情照,被網民指係重演跟周冬雨睇日出一幕。大佬呀!都已經日出變日落啦,拍拖仲有咩做啫,唔通去追颱風咩?(節目截圖)
當日嘅冧招贏盡口碑,賺咗個暖男返來,但有啲嘢原來要還。(節目截圖)
話時話,內地網民做咩唔幫千嬅聲討呀,唔公平喎!(電影截圖)

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場。

  1. 更多
  1. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    1小時前
  2. 哈佛大學圖書館拆走「人皮書」書皮
    哈佛大學圖書館拆走「人皮書」書皮
    10分鐘前
  3. 王偉中:廣東經濟持續回升向好 有信心年度經濟增長達5%
    王偉中:廣東經濟持續回升向好 有信心年度經濟增長達5%
    21分鐘前
  4. 拜登與奧巴馬、克林頓同場 為競逐連任籌得逾二億港元
    拜登與奧巴馬、克林頓同場 為競逐連任籌得逾二億港元
    1小時前
  5. 俄一票否決 安理會未能通過延長監督制裁北韓專家小組任期
    俄一票否決 安理會未能通過延長監督制裁北韓專家小組任期
    1小時前
  6. 倫敦希思羅機場數百邊檢人員擬下月罷工四天
    倫敦希思羅機場數百邊檢人員擬下月罷工四天
    2小時前
  7. 南非巴士墮橋45死 僅一名8歲女童生還
    南非巴士墮橋45死 僅一名8歲女童生還
    2小時前
  8. 台北素食餐廳中毒案 廚師問話後獲准離開
    台北素食餐廳中毒案 廚師問話後獲准離開
    2小時前
  9. 日本服用過小林製藥紅麴保健品的死者增至五人
    日本服用過小林製藥紅麴保健品的死者增至五人
    2小時前
  10. 再有照顧者悲劇發生 議員促多方面及早介入
    再有照顧者悲劇發生 議員促多方面及早介入
    2小時前