【now.com】素有藝術天份的王菀之（Ivana）被芬蘭一間殿堂級的著名品牌IITTALA垂青，獲邀為「城市之鳥」系列設計代表香港之鳥，其餘代表則來自美國、日本及韓國的藝術家。
早前她去了芬蘭參觀玻璃廠，首次見到自己設計的玻璃鳥，笑言好似睇住BB出世般開心：「好感動啊！好似BB出世咁開心，呢個係玻璃藝術結晶品，我提供咗我哋呢個城市嘅構思、視覺、印象、影象畫面同顏色文字等等資料比芬蘭創作教授Oiva Toikka，由對方跟住我嘅概念去做出一隻獨一無二嘅玻璃鳥，見到製成品隻鳥有長腳企得好穩陣，而且有大眼睛，係表現出香港幹勁精神，不過個身形好似有啲肥咁！」
之後她又輰遊工藝村、博物館等地，她有感而發說：「Fiskars Village工藝村係一個旅遊景點，有工場、有酒店、有購物區、展覽館等等，有好多藝術家都係住喺呢度，喺芬蘭做藝術家幾幸褔，可以專注做自己嘅工作，有好多自我空間！」
Ivana設計的璃鳥。
參觀fiskars總公司
參觀fiskars總公司
參觀fiskars工藝村
參觀fiskars工藝村
