【now.com】今屆立法會選舉本周日（9月4日）就到投票日，選情相當激烈，各區候選人都先後到過電台、電視台的選舉論壇呼籲支持拉票，更有候選人未開始投票就已經「告急」。過往於《包青天》演活正義人物「展昭」的藝人何家勁，昨日就突然現身於新界東候選人民建聯陳克勤的Facebook專頁，更拍了短片呼籲大家要支持他，不過就惹來不少網友劣評。
多年來鮮有於香港露面的藝人何家勁，將事業重心轉到內地，常於內地節目出現，今次突然現身於陳克勤的宣傳影片中，叫人驚訝。片中何家勁先以過往「展昭」深入民心的正義形象去介紹自己，又話到陳克勤是他認識多年的朋友，認為對方真心想為香港做事，更呼籲要支持他：「目前陳克勤先生的選情非常嚴峻，希望新界東的朋友全部出嚟支持。」何家勁又話希望香港可以多一份正義感，邊講邊握實拳頭，相當肉緊。不少網民睇完影片後，都大派負評，有網民大眨何家勁多在內地投資，不明白香港情況，又大話「展昭都out咗十萬世啦。」、「展大俠對唔對得住包大人」等等。
正義大俠「展昭」昨晚突然現身Facebook，為新界東候選人民建聯陳克勤拉票。（Facebook截圖）
影片一出，引來不少網民負評。（Facebook截圖）
片中何家勁緊握拳頭，相當肉緊。（影片截圖）
立法會選舉新界東地方選區候選人名單
