【now.com】無綫小生花旦買少見少，吳卓羲與楊怡亦先後離巢，向外闖搵真銀。兩人一向老友鬼鬼，果然有錢齊齊搵，前晚先飛到馬來西亞雲頂登台。Pokémon GO熱潮持續，由陳浩民主唱的《寵物小精靈》主題曲再被炒起，但其實吳卓羲都曾為《寵物小精靈》唱過主題曲《超世代之戰》。適逢Pokémon GO剛在大馬登陸，吳卓羲當然要唱回他的《超世代之戰》應一應景！
結束雲頂演唱會後，楊怡與吳卓羲翌日即趕到長沙拍內地節目《天天向上》，並首次乘搭高鐵，兩人興奮不已，楊怡更笑言自己是「小朋友出城」：「高鐵好舒服，因為空間大，最重要係可以上網！」
適逢昨日是七夕前夕，楊怡雖然感慨與老公羅仲謙各有工作未能相聚，但笑言有吳卓羲陪著自己就可以：「我同佢關係好微妙，盡在不言中，我認為男女都可以有純友誼，可能大家都係處女座，又識咗咁多年，又係同一個經理人，感覺就好似家人，我咩都唔怕同佢講。佢好外向，我就好內向，不過我哋一見面又會雞啄唔斷。」
另外，楊怡透露正籌備在港補擺婚禮：「最大困難係安排座位，因為希望大家出出席婚禮時開開心心，可以同自己好耐冇見嘅朋友聚會，所以會盡量滿足大家。」至於玩新郎及兄弟團環節，楊怡則狠狠地指不會留情：「唔使錫住佢哋，始終係個考驗，要得到某樣嘢總要過關！」
兩人先到雲頂出席《綻放魅力2演唱會馬來西亞站》
吳卓羲食Pokémon GO熱潮唱出《超世代之戰》
榮升羅太的楊怡就唱《終身美麗》
楊怡大讚高鐵舒服
兩人一同北上掘金
楊怡表示與同屬處女座的吳卓羲超夾！
