【now.com】今日DSE放榜，自然有人歡喜有人愁，網絡上出現不少為成績不太理想的同學仔打氣，各藝人亦紛紛以自身經歷勉勵一班應屆考生。
游學修就上載他和女友蘇麗珊18歲時的學生照，當時蘇麗珊已經相貌出眾，游學修就特地揀了一張自己薯頭薯腦的舊照，他寫道：「啱啱見到蘇小姐貼咗張相，我又想鼓勵下各位考生。左面係18歲喺佢，右面係18歲嘅我。左面嗰條女應該會係我中學時期唔敢講半句嘢嘅校花，右面嗰條仔應該係瘦削自大運動型mk，但今日右邊條木契溝咗左邊個女神。故事教訓：18歲嘅成績唔係咁重要。係咪好勵志呀!?!?」
呢種另類打氣法又有冇用呢？不過可以肯定的是，分數並不等於一切，前路還是要自己走出來。
游學修話讀中學時一定唔敢開口認識蘇麗珊。（Facebook圖片）
而家兩人不時在Facebook耍花槍。（Facebook圖片）
仲不時情侶檔拍廣告。（Facebook圖片）
