葉劉話蛇齋餅糉就好似過時過節請街坊食月餅咁，係禮貌一種。（影片截圖）
【now.com】ViuTV昨晚的《晚吹 - 一大一路》，請來葉劉淑儀接受一班小朋友的提問，他們童言無忌地問葉劉的掃帚頭、28歲初戀，又重提麒麟事件，更問了許多時事問題。
其中一個小朋友先問甚麼是蛇齋餅糉？葉劉話係形容政黨拉票的行為，她又說：「其實人人都用，有時係禮貌，過年過節請街坊食月餅、請你食齋，帶你哋去旅行咁樣，冇乜問題嘅。」但係葉劉冇話畀小朋友聽食完蛇齋餅糉可能要用選票「回禮」喎！
牙尖嘴俐的Alvin又問她：「我記得你講過話政府係VIP就可以有特權，邊個人有資格做VIP呢？」葉劉答：「原則上冇人有特權，不過好多地方元首，好多時組織會畀佢一啲禮遇，見你咁忙趕住開會，你成家都吸引人注意，所以有特別安排。我舉例英國外交部長依家訪港，可能佢行程匆忙漏咗件行李，佢叫人幫，我諗啲人都願意幫，我講緊係禮遇，其實唔需要太執著。」用外交部長訪港與特首個女去美國讀書做比較？呢個比喻恰當嗎？
主持黃奕晨都忍唔住問今次點收科，葉劉話：「一件行李小事啫，可能有人以為特首打電話施壓，我諗佢都冇施壓嘅，當然如果謹慎啲，千祈唔好打電話啦。」
被問到未來日子會否選特首，她說未有決定，並反問小朋友覺得她應否去選。之後講到對旺角騷亂中掟磚的看法，葉劉話：「掟磚我覺得相當唔啱，因為會整親人，磚頭唔係棉花糖，差啲打死人。傷人係好大罪名，所以我唔支持掟磚。」
咁放催淚彈呢？她說：「絕對冇問題，全世界都用，其實催淚彈唔係子彈，係一種化學氣體，唔會永久傷害。歐洲警察騎住隻馬拎警棍去扑，好危險，馬會踢親人，棍又會扑親人，美國警察甚至用槍仲危險，如果你噴一啲嘢去令人走開係比較善良做法。」仲話胡椒噴霧都係同一功效，喎。
葉劉話蛇齋餅糉就好似過時過節請街坊食月餅咁，係禮貌一種。（影片截圖）
葉劉話畀麒麟撞冇嬲，反而介意畀人叫掃帚頭。（影片截圖）
Alvin仔葉劉點解年輕時冇人追，佢話因為掛住工作。（影片截圖）
葉劉對一班小朋友的問題有問有答。
